Ալիևի վարչակազմը՝ Հադիջա Իսմայլովայի ձերբակալության մասին

«Ազատություն» ռադիոկայանի ադրբեջանական ծառայության հայտնի լրագրող Հադիջա Իսմայլովան մեղադրվում է կոնկրետ հանցագործության մեջ և ձերբակալվել է դատարանի որոշմամբ: Այդ մասին հայտարարել է  Ադրբեջանի նախագահի վարչակազմի հասարակական-քաղաքական հարցերով բաժնի ղեկավարի տեղակալ Ալի Հասանովը. հայտնում է haqqin.az-ը: Նրա խոսքերով՝ երկրի գլխավոր դատախազությունը բացառում է այդ գործի քաղաքական ենթատեքստը:

Հիշեցնենք, որ Բաքվի  դատարանը ուրբաթ օրը հայտնի լրագրողին երկու ամսով կալանավորելու որոշում կայացրեց՝ զրպարտության մեղադրանքով: Ադրբեջանական իշխանությունները նրա անվան հետ են կապում Թուրալ Մուստաֆաևի ինքնասպանության փորձը: