Չգիտեմ՝ ինչի մասին է խոսքը, ինչ զենք է. Կարո Եղնուկյանը՝ Սեֆիլյանի ձերբակալության մասին

Արդեն հայտնել ենք, որ «Նոր Հայաստան» միասնական շտաբի պետ, «Հիմնադիր խորհրդարան»-ի նախագահ Ժիրայր Սեֆիլյանը ձերբակալվել է:

«Հիմնադիր խորհրդարան»-ի անդամ Կարոն Եղնուկյանը Yerkir.am-ի հետ զրույցում ասաց, որ ինքը դեպքի մասին լրատվամիջոցներից է տեղեկացել և մանրամասներին չի տիրապետում, բայց վստահ է, որ սա «Ժիրայր Սեֆիլյանի հրեշացման պրոցեսի շարունակությունն է»:

«Ես լրատվամիջոցներից եմ տեղեկանում, ես չգիտեմ` սա ինչ է` ընդհանրապես: Ես միայն տեղեկացել եմ, որ Ժիրայր Սեֆիլյանին «Սարդարապատ» գրասենյակից բերման են ենթարկել մոտ կես ժամ առաջ: Ես չեմ իմանում` ինչի մասին է խոսքը, ինչ զենք է և այլն»,- ասաց նա, բայցեւ կարծիք հայտնեց, որ Սեֆիլյանի «գլխին սարքում են»: