«Հերիք ա ինչքան տանջվեցի ու տանջվեցի...Սիրել եմ ես ուղղակի». 20-ամյա աղջիկն ինքնասպան է եղել

2014 թվականի դեկտեմբերի 6-ին՝ ժամը 01:10-ից 01:45-ն ընկած ժամանակահատվածում, Վանաձոր քաղաքում՝ տան ննջասենյակում, ջեռուցման խողովակից շարֆով պարանոցից կախվելու միջոցով ինքնասպան է եղել նույն հասցեի 20-ամյա բնակչուհին: Կատարվել են դեպքի վայրի, դիակի զննություններ, նշանակվել է դատաբժշկական փորձաքննություն: Աղջկա դիակի արտաքին զննությամբ բռնության հետքեր չեն հայտնաբերվել:

20-ամյա աղջկա մայրը ներկայացրել է դստեր թողած գրությունը՝ հետևյալ բովանդակությամբ. «Կներեք ինձ բոլորդ էս աշխարհում իմ տեղը չգտա իմ վերջին հնարավորությունը երջանիկ լինելու հօդս ցնդեց...էլ չեմ ուզում շարունակեմ. կներես մամ...հերիք ա ինչքան տանջվեցի ու տանջվեցի...Սիրել եմ ես ուղղակի...»:

ՀՀ քննչական կոմիտեի տեղեկատվության և հասարակայնության հետ կապերի բաժին