Անիմաստ են Ռուսաստանի հետ ուժի դիրքերից խոսելու փորձերը. Պուտին

ՌԴ նախագահ Վլադիմիր Պուտինը Դաշնային խորհրդին ուղղված իր ամենամյա ուղերձում (այն այժմ ուղիղ հեռարձակվում է ռուսաստանյան հեռուսաալիքներով)  հիշեցրել է նացիստական Գերմանիայի առաջնորդ Ադոլֆի Հիտլերի ճակատագիրը: Ըստ նրա` Հիտլերը ժամանակին հույս ուներ Ռուսաստանի բնակչությանը վերաբնակեցնել Ուրալից այն կողմ: Սակայն...

«Մեր բանակը ջախջախեց թշնամուն, ազատագրեք Եվրոպան, բայց 1941-42 թվականների ծանր պարտություններն էլ չի կարելի մոռանալ` ապագայում սխալներ լչկատարելու համար»,- ասել է Պուտինը:

«Մեզ հաճույքով կտանեին փլուզման եւ մասնատման հարավսլավական սցենարով` Ռուսաստանի ժողովուրդների համար դրանից բխող բոլոր ողբերգական հետեւանքներով»,- շարունակել է ՌԴ նախագահը` հավելելով, որ Մոսկվան կարողացավ դրան դիմակայել, սակայն մի շարք երկրների կառավարություններ շարունակում են փորձել Ռուսաստանի շուրջ երկաթյա վարագույր կառուցել: Պուտինը հայտարարել է, որ անիմաստ են Ռուսաստանի հետ ուժի դիրքերից խոսելու փորձերը:

ՌԴ նախագահի ուղերձը Դաշնային խորհրդին հիմնարար փաստաթուղթ է, որում ձեւակերպվում է պետության ղեկավարի դիրքորոշումը ռուսական քաղաքականության հիմնական դրույթների վերաբերյալ: