Հայտնի է, թե որտեղ է լինելու հաջորդ «հրդեհը», կամ Կարեն Ավագյանը քեֆ է կազմակերպել

ՀՀԿ երիտթեւի երիտասարդ ղեկավար (հաջորդ ամիս կլրանա նրա 40-ամյակը) Կարեն Ավագյանն այսօր էլ կշարունակի նշել Ուսանողների միջազգային օրը:

Yerkir.am-ի աղբյուրները տեղեկացնում են, որ քեֆ-ուրախությունը` արդեն սեղանների շուրջ, շարունակվելու է այսօր երեկոյան «Ֆլորենս» ռեստորանային համալիրում: Հիշեցնենք, որ երեկ էլ Մարզահամերգային համալիրում, ՀՀԿ երիտթեւի նախաձեռնությամբ եւ Կարեն Ավագյանի գլխավորությամբ, մեծ համերգ կազմակերպվեց, որի ավարտին, սակայն, տհաճ, կարելի է ասել` տխուր դեպք գրացվեց` հրդեհվեց շենքի մի հատվածը:

Մեթան գազով լիցքավորված  փուչիկների ողբերգական դեպքից հետո այս էլ երկրորդ անգամ է, որ Կարեն Ավագյանի կազմակերպած միջոցառումից հետո կրակ ու ծուխ է դուրս գալիս: Չար լեզուներն ասում են, որ «Ֆլորենս»-ում մի քանի մարտական հաշվարկ է լինելու, կազմ-պատրաստ սպասելու են, թե երբ է ծուխ դուրս գալու...