Պուտինի անեկդոտն առաջին գիշերվա մասին և Մերկելի սառը հայացքը

ՌԴ նախագահ Վլադիմիր Պուտինի՝ վերջերս պատմած անեկդոտից հետո` պապիկի և տատիկի տարբերության մասին, համացանցի ռուս օգտատերերը որոշել են վերհիշել և ակտիվորեն տարածել նրա մեկ այլ անեկդոտով տեսանյութը:

Հունիսին Պետերբուրգում անցկացված միջազգային տնտեսական ֆորումի ժամանակ Պուտինը խոսել է այն մասին, որ ԵՄ-ն ապագայում չի կարող արդյունավետ աշխատել առանց միասնական քաղաքական և բյուջետային համակարգի: Նա նշել է, որ ԵՄ-ի ապագա քաղաքական միավորումն անխուսափելի է, իսկ թե ինչպե՞ս դա տեղի կունենա, այդքան էլ կարևոր չէ:

« Շատ անեկդոտներ կան այդ թեմայով: Այսպես՝ ինչպես էլ գործես հարսանեկան առաջին գիշերը, արդյունքը պետք է նույնը լինի»,- կատակել է Պուտինը՝ արժանանալով Մերկելի սառը հայացքին: