Ողբերգական ավտովթար` Երևան-Սևան ճանապարհին. վարորդն ու երկու ուղևորները տեղում մահացել են

Հոկտեմբերի 10-ին` ժամը 16.48-ին, արտակարգ իրավիճակների նախարարությունում ահազանգ է ստացվել, որ Երևան-Սևան ավտոճանապարհին՝ Քաղսի գյուղի մոտակայքում, տեղի է ունեցել ՃՏՊ, կան տուժածներ, անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ: Պարզվել է, որ Մ-4 միջպետական ավտոճանապարհի Երևան-Սևան հատվածի 42-րդ կմ-ում, դեռևս չբացահայտված հանգամանքներում «Ֆոլկսվագեն-Վենտո» մակնիշի 34NC705 պ/հ ավտոմեքենան դուրս է եկել ավտոճանապարհի երթևեկելի հատվածից և շրջվել, ինչի հետեւանքով վարորդը և երկու ուղևորները տեղում մահացել են:

Հրշեջ-փրկարարները ավտոմեենայից դուրս են բերել վարորդի և երկու ուղևորների դիերը: