Բանդայի գործով նիստին ներկայացած տղամարդուն ստիպողաբար հեռացրեցին

Այսօր Կենտրոն և Նորք-Մարաշ վարչական շրջանների ընդհանուր իրավասության դատարանում ընթացող «Բանդայի գործով» հերթական նիստի ժամանակ անախորժ դեպք գրանցվեց:

Գործով վկա Արմեն Մկրտչյանի հարցաքննության ժամանակ նիստերի դահլիճ մտավ ակնհայտ հոգեկան շեղումներ ունեցող մի տղամարդ, ով դժգոհելով նստեց վերջին շարքում ու սկսեց բարձրաձայն խոսել: Դատավորի խնդրանքով անհայտ անձը ներկայացավ` նշելով, որ իր անունն Անդրանիկ է, սակայն խանգարելու պատճառաբանությամբ դատավոր Մեսրոպ Մակյանը նրան դուրս հրավիրեց: Տղամարդը նախ չենթարկվեց, ապա դատական կարգադրիչները նրան ստիպողաբար դուրս հանեցին դահլիճից:

Մանրամասները` yerkir.am-ի տեսանյութում: