Հակոբ Ինջիղուլյանը վերադարձել է Հայաստան

Հոկտեմբերի 1-ի լույս 2-ի գիշերը ավելի քան մեկ տարի ադրբեջանական գերության մեջ անցկացրած Հակոբ Ինջիղուլյանը հայրենադարձվել է:

«Զվարթնոց» օդանավակայանում նա լրագրողներին ասել է, որ ադրբեջանական գերության մեջ ենթարկվել է ճնշումների` նրան անընդհատ ծեծել են և հայհոյել, սպառնալիքի տակ ստիպել ցուցմունքներ գրել:

Ինջուղալյանն ասել է նաև, որ պատրաստվում է շարունակել ծառայությունը հայկական բանակում:

2013թ. օգոստոսի 7-ի լույս 8-ի գիշերը` ժամը 03-ի սահմաններում, ծառայությունն իրականացնելիս, տեղանքում չկողմնորոշվելու հետևանքով 1991-ին ծնված շարքային զինծառայող Հակոբ Գևորգ Ինջիղուլյանը հատել էր հայ-ադրբեջանական շփման գիծը` հայտնվելով հակառակորդի պահպանության տակ գտնվող տարածքում: