Պատգամավորներն առևտրականներին հորդորեցին զգոն լինել

Քիչ առաջ ԱԺ շենքի առջեւ բողոքի ակցիա իրականացնող առևտրականներին մոտեցան ԲՀԿ-ական պատգամավորներ Միքայել Մելքումյանը, Վահան Բաբայանը, ՀՅԴ-ից`  Արծվիկ Մինասյանը, ՀԱԿ-ից` Արամ Մանուկյանը և հայտնեցին, որ կբարձրացնեն «Շրջանառության մասին օրենք»-ի համար արտահերթ նիստ հրավիրելու հարցը: Արամ Մանուկյանը նշեց, որ մինչև օրվա ավարտը պարզ կլինի նիստի օրն ու ժամը, նաեւասաց, որ այդ մասին քաղաքացիներին կտեղեկացնեն լրացուցիչ:

Պատգամավորները ակցիայի մասնակիցներին հորդորեցին զգոն լինել, քանի որ չի բացառվում, որ հանրապետականները բոյկոտեն նիստը:

Ակցիայի մասնակիցները ցրվեցին` խոստանալով, որ անհրաժեշտության դեպքում կրկին կհավաքվեն:

Հիշեցնենք, որ հոկտեմբերի 1-ից ուժի մեջ կմտնի «Շրջանառության հարկի մասին» ՀՀ օրենքում փոփոխություններ կատարելու նախագիծը, որն, ըստ ակտիվիստների, ավելորդ գլխացավանք է, և դրանից միայն փաստաթղթաշրջանառությունն է ավելանալու: