ՀԱԿ-ի եւ ԲՀԿ-ի պատգամավորները առեւտրականներին հորդորեցին պայքարել նույն ակտիվությամբ

Արդեն տեղեկացրել ենք, որ կառավարության նոր հարկային քաղաքականության դեմ բողոքող` տոնավաճառների հարյուրավոր առևտրականներ այսօր հավաքվել եւ իրենց բողոքի ձայնն են բարձրացնում ԱԺ շենքի մոտ:

Yerkir.am-ի թղթակիցը տեղեկացնում է, որ բողոքի ակցիայի մասնակիցները ԱԺ շենքի` Բաղրամյան փողոցի մուտքի մոտից շարժվել են դեպի Դեմիրճյան փողոցի մուտքը, որտեղից հիմնականում ներս են մտնում պատգամավորները: Տեղում է Երեւանի փոխոստիկանապետ Վալերի Օսիպյանը: Նա ակցիայի մասնակիցներին հորդորում է բարձրանալ մայթերին:

Քիչ առաջ ակցիայի մասնակիցներին են մոտեցել ՀԱԿ-ի եւ ԲՀԿ-ի պատգամավորներ՝ Արամ Մանուկյանը եւ Տիգրան Ուրիխանյանը: Նրանք հորդորել են նույն ակտիվությամբ շարունակել պայքարը եւ խոստացել հասնել նրան, որպեսզի հարցը արտահերթ օրակարգով քննարկվի ԱԺ-ում: