Ինչո՞ւ է տուգանվել թուրք հաղորդավարը` «Քարդաշյանի հետույքի՞», թե՞ հայերին պաշտպանելու համար

Տուգանվել է թուրքական Habertürk ալիքով հեռարձակվող «Պատմության հետևի սենյակը» ծրագրի հաղորդավար Մուրաթ Բարդաքչըն:

Ըստ Milliyet-ի՝ նա տուգանվել է «ուղիղ եթերով ոչ պատշաճ արտահայտություններ անելու» մեղադրանքով:

Հիշեցնենք, որ Բարդաքչըն հաղորդման ընթացքում ցուցադրել էր ֆրանսահայ երգիչ Շառլ Ազնավուրի տեսահոլովակներից մեկն ու հնչեցրել նրա «Sur Ma Vie» երգը, որից հետո արժանացել էր ներկաների քննադատությանն այն բանի համար, թե ի՞նչ իրավունքով է հայի մասին տեսահոլովակ ցուցադրում և հայերեն երգեր հնչեցնում, որին նա պատասխանել էր. «Հիմա'ր, նախ ասեմ՝ երգը ֆրանսերեն է, երգիչն է հայ: Իսկ ի՞նչ տարբերություն: Քիմ Քարդաշյանն էլ է հայ, բա ինչո՞ւ եք նրա մեծ հետույքին նայում»: