Թուրք հայտնի հաղորդավարը սպանվել է նախկին սիրեցյալի կողմից

Երեկ Ստամբուլի Բեշիքթաշ թաղամասում գտնվող Conrad հյուրանոցում սպանվել է թուրք հայտնի հաղորդավար Վաթան Շաշմազը:

Ըստ Sabah-ի՝ Շաշմազը սպանվել է նախկին սիրեցյալի՝ 54-ամյա Ֆիլիզ Աքերի կողմից, ով  4 անգամ կրակել է նրա թիկունքին, ապա՝  նույն ատրճանակով ինքնասպան եղել:

Որպես սպանության դրդապատճառ` շրջանառվում է այն վարկածը, որ նախկին թոփ մոդել և դերասանուհի Ֆիլիզ Աքերը անպատասխան զգացմունքներ է ունեցել Շաշմազի նկատմամբ: Հայտնի է դարձել, որ Աքերը մի քանի անգամ սպառնացել է սպանել  Շաշմազին, եթե վերջինս չբաժանվի կնոջից ու չամուսնանա իր հետ: Ըստ մի շարք ԶԼՄ-ների՝ Աքերը սպանել է Շաշմազին այն բանից հետո, երբ իմացել է Շաշմազի կնոջ հղիության մասին:

Ուշագրավ է նաև այն փաստը, որ նախկին թոփ մոդելի նախկին սիրեկանը նույնպես սպանվել է: