Այդ կինը սեփական հետույքի միջոցով է հասել այդ ամենին. Սերգեյ Դանիելյանը՝ Քիմի մասին

Դերասան Սերգեյ Դանիելյանը լրագրողների հետ զրույցում, անդրադառնալով Քիմ Քարդաշյանի՝ Հայաստան կատարած այցին, ընդգծեց, որ միշտ հարգել և հարգում է Քարդաշյանին, որովհետև նա ֆենոմենալ կին է, ով, ոչինչ չանելով, կարողանում է ինչ-որ բաների հասնել և, որ ամենակարևորն է, հասնում է դրանց իր սեփական ուժերով: «Այդ կինը սեփական հետույքի միջոցով է հասել այդ ամենին, ոչ թե ուրիշների միջոցներով»,- ասաց նա:

Դերասանը նշեց նաև, որ Քիմի այցը Հայաստան PR-ի լավագույն միջոցն է թե՛ հեռուստաաստղի, թե՛ Հայաստանի համար:

Yerkir.am-ի խնդրանքով Սերգեյ Դանիելյանն անդրադարձավ նաև ՀՀԿ-ական պատգամավոր Լևոն Մարտիրոսյանի և Քիմ Քարդաշյանի ընթրիքին: «Ես չեմ կարծում, որ նրանց միջև ինչ-որ ինտիմ կապ կա, մանավանդ, որ այդ աղջիկն ամուսնու հետ է եկել Երևան: Հետո մի բան էլ ասեմ` Քիմի մասին ավելի շատ են խոսում, քան նրա ամուսնու մասին»,- ասաց դերասանը:

Նա նաև հավելեց, որ Քարդաշյանի ամուսինը բավական արժանավոր սևամորթ է և մեծահարուստ, ուստի չարժե հեգնանքով ասել, որ նա նեգր է: