Աբրահամ Խաշմանյանը գլխավորեց «Ալաշկերտ»-ը

Հայաստանի երիտասարդական հավաքականի գլխավոր մարզիչ Աբրահամ Խաշմանյանը ստանձնեց «Ալաշկերտ»-ի գլխավոր մարզչի պաշտոնը՝ այդ պաշտոնում փոխարինելով հրաժարական տված Արմեն Գյուլբուդաղյանցին:

Տեղեկացնենք, որ արդեն երեք ամիս է` Աբրահամ Խաշմանյանն աշխատում էր «Ալաշկերտ» ակումբում՝ կատարելով գործադիր տնօրենի պարտականությունները: Եվ այսուհետ թիմը մրցաշրջանի պաշտոնական խաղերին կնախապատրաստվի ու հանդես կգա Աբրահամ Խաշմանյանի գլխավորած մարզչական շտաբի ղեկավարությամբ, որում ընդգրկված են Արկադի Չիլինգարյանը (ավագ մարզիչ), Աշոտ Գրիգորյանը (գլխավոր մարզչի օգնական) և Արմեն Տոնոյանը (ֆիզիկական պատրաստականության գծով մարզիչ): Այս մասին հայտնում է երևանյան ակումբի պաշտոնական կայքը: