Հրաձգության աշխարհի առաջնություն. Քրիստիան Լաուերը զբաղեցրեց 84-րդ հորիզոնականը

Իսպանիայի Գրանադա քաղաքում սեպտեմբերի 6-20-ը   ընթանում է  հրաձգության աշխարհի երիտասարդական առաջնությունը, որը տեղի է ունենում 4 տարին մեկ՝ օլիմպիական խաղերի միջակայքում:

Երեկ մրցելույթներն   է  սկսել  Հայասատանի  հրաձգության  հավաքական  թիմի  ներկայացուցիչ  Քրիստիան Լաուերը: Ինչպես տեղեկացնում է մարզաձևի Հայաստանի ֆեդերացիայի պաշտոնական կայքը,  մեր մարզիկը օդամղիչ հրացան 10մ, 60 կրակոց` տղամարդկանց  մրցաձևում խոցել է 614,5 միավոր և 116 մրցակիցների շարքում զբաղեցրել 84-րդ տեղը:

Այսօր  50 մ, ազատ ոճի  ատրճանակ  մրցաձևում  մրցելույթները  կսկսեն  Զավեն  Իգիթյանն  ու  Սևակ Արշակյանը:

Հավելենք, որ աշխարհի երիտասարդական առաջնությանը Հայաստանը ներկայացնում են միջազգային կարգի սպորտի վարպետներՔրիստիան Լաուերը,  պատանեկան օլիմպիական խաղերի փոխչեմպիոն Հրաչիկ Բաբայանը, սպորտի վարպետներ` Եվրոպայի պատանիների առաջնության չեմպիոն Զավեն Իգիթյանը,  Եվրոպայի երիտասարդների առաջնության բրոնզե մեդալակիր Լիլիթ Մկրտչյանը, սպորտի վարպետի թեկնածուներ, Եվրոպայի երիտասարդների թիմային առաջնության կրկնակի բրոնզե մեդալակիրներ Ռազմիկ Մինասյանն ու Շանթ Սարգսյանը: