ICE BUCKET CHALLENGE. Բեռնար Շալանդն ընդունեց Էդգար Մանուչարյանի հրավերը

Հայաստանի ազգային հավաքականի գլխավոր մարզիչ Բեռնար Շալանդն ընդունել է  Էդգար Մանուչարյանի մարտահրավերը և միացել  #IceBucketChallenge  ակցիային:

 
ՀՖՖ ֆեյսբուքյան պաշտոնական էջի հետ զրույցում Հայաստանի ազգային հավաքականի գլխավոր մարզիչն ասել է. «Ես չէի կարող մերժել իմ սաների մարտահրավերը և չմասնակցել ակցիային: Բայց ես գիտեմ, որ Հայաստանում նույնպես կան մեծ թվով ամիոտրոֆիկ կողմնային սկլերոզ ախտորոշմամբ հիվանդներ, իսկ աշխարհում այս ակցիան իրականացվում է հենց այդ հիվանդներին սատարելու համար, և ես պատրաստ եմ իմ կողմից նաև որոշակի ֆինանսական աջակցություն ցուցաբերել: Ակցիայի մասնակիցներին ես կոչ կանեի նաև այդ մասին հիշել: Իսկ մարտահրավեը փոխանցում եմ մեր հավաքականի ավագին`Ռոման Բերեզովսկուն և իմ օգնական Արթուր Պետրոսյանին»,- ասել է Շալանդը: