Ուկրաինան հաստատել է ռուսական զրահատեխնիկայի մուտքը երկիր

Զրահապատ մեքենաներից և զինվորական բեռնատարներից բաղկացած շարասյունը հատել է Ուկրաինայի սահմանը. հայտնում է korrespondent.net-ը: Այդ մասին հայտնել են Ուկրաինայի հակաահաբեկչական կենտրոնի շտաբում:

Օպերատիվ տվյալների համաձայն՝ ռազմական տեխնիկան շարժվում է Լուգանսկի շրջանի Մոլոդոգվարդեյսկի ուղղությամբ: Հետախուզությունը հաստատում է, որ տեխնիկայի համարները և նույնականացման նշանները ռուսական են

Տեխնիկայի հստակ թիվը հայտնի չէ: Որոշ տվյալներով՝ բեռնատարներում եղել են զինված զինվորներ:

Ավելի վաղ The Guardian-ի լրագրող Շոն Ուոքերը Twitter -ում հայտնել էր, որ տեսել է՝  ինչպես է ռուսական ռազմական տեխնիկայի շարասյունը հատել Ուկրաինայի սահմանը: