Ուկրաինան ձախողել է զրահատեխնիկայի մատակարարումները Իրաք

Ուկրաինան ձախողել է БТР 4Е զրահատեխնիկայի եւ АН 32Б ինքնաթիռների մատակարարումը Իրաք:

Ինչպես գրում է լրագրող Մուստաֆա Նայեմը «Ուկրաինսկայա պրավդա»-ի իր բլոգում, Իրաքի պաշտպանության նախարարությունը 2010-ի դեկտեմբերին հրաժարվել է ընդունել տեխնիկայի առաջին պարտիան: Ըստ լրագրողի, պայմանագրի ձախողման պատասխանատվությունն ընկնում է Укрспецэкспорт ընկերության վրա, որն զբաղվում է ուկրաինական սպառազինության ու հատուկ տեխնիկայի արտահանումով: Զրահամեքենաների մատակարարումները պետք է իրականացվեին երկու երկրների կառավարությունների միջեւ 2009-ի օգոստոսին կնքված պայմանագրով: Բաղդադը պատվիրել էր 420 զրահամեքենա` մոտ 500 մլն դոլար արժողությամբ:

Մատակարարումների ձախողման պատճառները հայտնի չեն: