Ուկրաինան կպատասխանի ՌԴ-ի պատժամիջոցներին

Ուկրաինայի կառավարությունն Ազգային անվտանգության և պաշտպանության խորհրդին է ներկայացրել 172 մարդուց և ռուսական ու արտասահմանյան 65 ընկերություններից բաղկացած ցուցակՙ  պատժամիջոցներ սահմանելու համար. հայտնում է Лента.ру-ն: Պատժամիջոցների մասին օրինագծում նախատեսված է 26 տեսակի պատժամիջոց:

Վարչապետը Արսենիյ Յացենյուկը նաև հայտարարել է, որ Ուկրաինան կարող է որպես պատժամիջոց դադարեցնել ռուսական գազի տարանցումը։

Պատժամիջոցների մասին օրինագիծը  նախատեսում է ակտիվների սառեցում, գործունեության, պետական սեփականության սեփականաշնորհման, լիազորագրերի օգտագործման, ռեսուրսների տարանցման մասնակի կամ ամբողջական արգելք։

 Ուկրաինայի պատժամիջոցները սահմանվում են ի պատասխան  ՌԴ-ի քայլերին, որն արգելել էր այդ երկրից մի շարք ապրանքների ներմուծումը: