Հայաստանցին ե՞րբ լավ կապրի. վարչապետը բացահայտեց «գաղտնիքը»

Վարչապետ Հովիկ Աբրահամյանը վստահ է, որ մեր երկրի «ապագան լավն է»: Դիլիջան կատարած այցի ժամանակ լրագրողներին մի բան խնդրեց. «Միայն վատը չներկայացնել, խոսել նաեւ լավի մասին»: Yerkir.am-ը վարչապետից հետաքրքրվեց, թե ի վերջո սովորական քաղաքացին ե՞րբ է այդ «լավ»-ը իր մաշկի վրա զգալու, ե՞րբ է գոհ լինելու:

Ի պատասխան մեր այս հարցադրման Հովիկ Աբրահամյանը մի օրինակ բերեց, որ օրինակ հիմա Գյումրեցին խոսում է ասֆալտի վատ որակի մասին, իսկ տարիներ առաջ ընդամենը խոսում էր տանիք ունենալու մասին:

Վերջում Հովիկ Աբրահամյանը բացահայտեց «գաղտիքը». «ՀՀ քաղաքացին արդեն 2017թ.-ին լավ կապրի»: «Ընտրությունների եք պատրաստվում» դիտարկմանը, Աբրահամյանը ժպիտով պատասխանեց: