Լեւոն Հայրապետյանի կալանավորման որոշումը բողոքարկվել է

Լեւոն Հայրապետյանի փաստաբանները բողոքարկել են նրան կալանավորելու որոշումը: ИТАР-ТАСС-ին այդ մասին հայտնել է փաստաբան Ռուբեն Մարգարյանը՝ հավելելով, որ խնդրել են Մոսկվայի քաղաքային դատարանին՝ չեղյալ համարել Բասմաննի դատարանի որոշումը՝ որպես անօրինական եւ չհիմնավորված, եւ սահմանել ազատազրկման հետ չկապված այլ խափանման միջոց:

Սպասվում է, որ հուլիսի 24-ին Հայրապետյանին պաշտոնապես մեղադրանք կներկայացվի:

Հայրապետյանը մեղադրվում է ՌԴ ՔՕ 160-րդ (վատնում) եւ 174-րդ (հանցավոր եկամուտների լեգալացում) հոդվածներով: Նրան ձերբակալել են նախկին սենատոր, այժմ ցմահ բանտարկված Իզմեստեւի ցուցմունքների հիման վրա` «կինգիսեպյան» հանցավոր խմբի գործունեության հետաքննության շրջանակներում: