Իրենք թող ծնունդներ անեն, մենք էլ պատերի տակ նստենք՝ հիվանդանանք. նաիրիտցիներ

Երեկվանից ՀՀ կառավարության շենքի առջև նստացույց անող` «Նաիրիտ»-ի նախկին աշխատակիցները պատրաստվում են այսօր` մինչև 19:00-ը, մնալ տեղում, իսկ եթե մինչ այդ կառավարությունից ներկայացուցիչ չմոտենա նրանց՝ կդիմեն պայքարի այլ ձևերի:

«Ամբողջ գիշեր անձրևի տակ էստեղ ենք մնացել, բայց ոչ մեկ մեզ չի մոտեցել»,- yerkir.am-ի հետ զրույցում ասաց նստացույցի մասնակիցներից մեկը և հավելեց. «Իրենք ծնունդների մեջ են, ժամանակ չունեն ժողովրդի մասին մտածելու: Երեկ Երվանդ Զախարյանինն էր, վաղն էլ կարող ա Պողոս Պողոսյանինը լինի, իրենք թող ծնունդներ անեն, մենք էլ սենց պատերի տակ նստենք՝ հիվանդանանք»: Նաիրիտցիների կարծիքով՝ Հովիկ Աբրահամյանը չի կատարում իր խոստումը, քանի որ նրա վրա ճնշումներ են գործադրվում. «Մեզ արդեն թվում ա, որ վարչապետին չեն թողնում ինչ-որ քայլեր անի, երևի ուժ են գործադրում, երևի ինքը մի քիչ ժողովրդավար մարդ ա, չեն թողնում անի էն, ինչ-որ խոստացել էր»:

Մանրամասները՝ yerkir.am-ի տեսանյութում: