Ուկրաինական բանակը մտել է Կրամատորսկ

Ուկրաինական բանակի զորամիավորումները մտել են Կրամատորսկ: Lenta.ru-ի տեղեկացմամբ` այս մասին հայտարարել է Ուկրաիայի ազգային անվտանգության և պաշտպանության խորհրդի տեղեկատվական կենտրոնի խոսնակ Անդրեյ Լիսենկոն:

«Կրամատորսկում հետախույզներն ու սակրավորները ստուգում են հիմնական վարչական և կոմունալ շենքերը` պարզելու համար, թե արդյոք պե՞տք է կատարել ականազերծման աշխատանքներ»,- ասել է Լիսենկոն:

Տեղեկություններ չկան այն մասին, թե արդյոք աշխարհազորայինները դիմադրո՞ւմ են բանակայիններին: Այսօր Կրամատորսկ է եկել ինքնահռչակ «Դոնեցկի Ժողովրդական Հանրապետության» կողմնակիցների մի մեծ խումբ, որին հաջողվել է դուրս գալ Սլավյանսկից: Հենց Կրամատորսկում է այժմ տեղեկայված «Դոնեցկի Ժողովրդական Հանրապետության» շտաբը: