Սիրիական բանակը մտել է գրոհայինների վերջին հենակետ Դերաա քաղաքը

Սիրիական բանակի ստորաբաժանումները մտել են Դերաա-Բալյադ` զինված ավազակային կազմավորումների վերջին հենակետը Սիրիայի հարավում. հաղորդում է «ՌԻԱ Նովոստի»-ի թղթակիցը:

Սիրիական զինվորականները սկսել են խուզարկել բնակելի թաղամասերի տները՝ փնտրելով զենք և ստուգելով տեղադրված ինքնաշեն պայթուցիկ սարքերի առկայությունը:

Զինյալները, որոնք հրաժարվել են վայր դնել զենքը, խմբավորվում և ամրապնդում են իրենց դիրքերը Ալ Սեդ շրջանում և Պաղեստինյան ճամբարում՝ Դերաա Բալյադում:

Ավելի վաղ Դերաայի սիրիական իշխանություններն ու գրոհայինները համաձայնության էին եկել, որը, ի թիվս այլ բաների, ենթադրում է զինյալների կարգավիճակի «վերականգնման» հնարավորություն: Գրոհայինները պետք է հանձնեն զենքը, բանակը հսկիչ անցակետեր կհիմնի Դերաա-Բալյադի ինը շրջաններում՝ իրավիճակը վերահսկելու և զենք որոնելու համար: Բոլոր զինյալները, որոնք չեն համաձայնում զենքերը վայր դնել, պարտավոր են լքել Դերաան։