Բասկետբոլ՝ 3x3. Հայաստանի հավաքականը ժամանել է Սանկտ Պետերբուրգ

Այսօր՝  հունիսի 28-ին, Ռուսաստանի Սանկտ Պետերբուրգ քաղաքում կկայանա բասկետբոլային խոշոր փառատոն, որին մասնակցելու է նաեւ 3x3 բասկետբոլի Հայաստանի ընտրանին:

Փառատոնի շրջանակներում նախատեսված են մի շարք մարզական միջոցառումներ, իսկ 3x3 բասկետբոլի մրցաշարին մասնակցելու է 16 բավական ուժեղ թիմ:

Հայաստանի հավաքականի խաղացողները հանդես են գալու «Յունիոն» թիմի անվան տակ՝ նախապատրաստվելով Եվրոպայի առաջնության ընտրական փուլին:

Ըստ մարզաձևի Հայաստանի ֆեդերացիայի պաշտոնական կայքի` երեկ Սանկտ Պետերբուրգ են ժամանել մեր ընտրանու խաղացողներ Ալեքսանդր Դիրացույանը, Արտյոմ Շախնազարովը, Վյաչեսլավ Ալեքսեեւը՝ միանալով Ռուսաստանի հյուսիսային մայրաքաղաքում բնակվող Կոնստանտին Միրզոյանցին:

Մրցաշարին մասնակցելու են նաեւ Ռուսաստանի, Լիտվայի, Լատվիայի, Սերբիայի, Մեծ Բրիտանիայի, Սլովակիայի, Ադրբեջանի եւ Ֆինլանդիայի ուժեղագույն մարզիկները: