Հենրիխ Մխիթարյանը բարեգործական այցով այցելել է Գյումրիի մանկատուն-գիշերօթիկ դպրոց

Հայաստանի ազգային հավաքականի և Դորտմունդի «Բորուսիա»-ի կիսապաշտպան Հենրիխ Մխիթարյանն այսօր մոր և քրոջ հետ այցելել է Գյումրիի Ֆրիտյոֆ Նանսենի անվան մանկատուն-գիշերօթիկ դպրոց:

Մխիթարյանի  նախկին ակումբի՝ Դոնեցկի «Շախտյոր»-ի աջակցությամբ`  նախորդ տարի վերանորոգվել էր կրթօջախի մարզադահլիճը, սակայն ֆուտբոլիստը չէր կարողացել ներկա գտնվել բացման արարողությանը:

«Աջակցել  ենք  վերանորոգել մանկատունը, քանի որ այն ուներ դրա կարիքը: Այս ծրագիրը լինելու է շարունակական: Հույս ունեմ, որ  հետագայում նման ծրագրեր կիրականացնենք նաև Դորտմունդի «Բորուսիա»-ի աջակցությամբ»,- լրագրողների հետ զրույցում նշել է  Մխիթարյանը:

Ֆուտբոլիստը շախմատ և թենիս է խաղացել երեխաների հետ: