Սերժ Սարգսյանը պաշտոնական այցով կմեկնի Վրաստան. վրացական ԶԼՄ

ՀՀ նախագահ Սերժ Սարգսյանը հունիսի 18-19-ը պաշտոնական այցով կայցելի Վրաստան: Այդ մասին հայտնում է Новости-Грузия-ն՝ վկայակոչելով Վրաստանի նախագահի աշխատակազմը:

Հունիսի 18-ին Թբիլիսիում` նախագահական պալատում, տեղի կունենա Հայաստանի նախագահին դիմավորելու հանդիսավոր արարողությունը:

Դեմ առ դեմ ձևաչափով հանդիպումից հետո երկու պետությունների նախագահները  մամուլի համար համատեղ հայտարարությամբ հանդես կգան:

Նույն օրը երեկոյան կկայանա Սարգսյանի հանդիպումը Վրաստանի խորհրդարանի նախագահ Դավիթ Ուսուպաշվիլիի հետ:

Հունիսի 19-ին Սերժ Սարգսյանը կհանդիպի Վրաստանի վարչապետ Իրակլի Գարիբաշվիլիի հետ, կքննարկվեն երկու երկրների համագործակցության հետ կապված հարցեր:

Ուշագրավ է, որ ՀՀ նախագահի պաշտոնական կայքում այցի մասին ոչինչ չի հաղորդվում:

Հ.Գ. Երբ լուրը տեղադրեցինք մեր կայքում, համարյա միաժամանակ ՀՀ նախագահի պաշտոնական կայքում հայտնվեց դրա հաստատումը: