Մոսուլի հայկական եկեղեցին չի վնասվել

 «Երկիր Մեդիա»-ն տեղեկացնում է, որ Մոսուլի հայկական Սուրբ Էջմիածին եկեղեցու քահանա Առաքել Արտավազդ Գասպարյանն այսօր «Երկիրն այսօր»-ի հետ հեռախոսազրույցում հերքել է լուրերն այն մասին, թե եկեղեցին այրվել է: «Դրանք սուտ տեղեկություններ են»,- ասել է քահանան։

Նա հիշեցրել է, որ քաղաքի հայությունը տեղափոխվել է ավելի անվտանգ բնակավայրեր։ Մոսուլի հայկական եկեղեցու քահանան հավելել է, որ իրաքահայությունն Իրաքը լքելու մտադրություն չունի։

«Իրաքի հյուսիսային շրջաններում հանգիստ է, հայ բնակչությունը, Մոսուլից հեռանալով, տեղավորվել է բարեկամների մոտ կամ տներ են վարձակալել եւ ապրում են։ Մոսուլի բնակչության որոշ մասը վերադառնում է քաղաք, բայց հայերը` դեռ ոչ։ Մենք կազմակերպում ենք նաեւ հայ բնակչության օգնությունը, եթե կարիք ունեն` նյութական, հագուստի, սննդի, այդ ամեն ինչը կազմակերպվում է»,- ասել է քահանան։