Հայաստանի ազգային հավաքականի ֆուտբոլիստներն անցկացրեցին ֆիզպատրաստության թեստեր

Հունիսի 2-ին Հայաստանի ազգային հավաքականը տեղափոխվեց Լոզան, որի մարզական համալսարանում անցկացրեց ֆիզպատրաստության թեստեր: Դրանց արդյունքները մշակելուց հետո յուրաքանչյուր ֆուտբոլիստի համար կկազմվի առանձին ծրագիր, որով խաղացողը կշարունակի մարզվել` ֆիզիկական պատրաստվածությունը բարելավելու նպատակով:

Թեստերը հանձնելուց հետո թիմը տեղափոխվեց Ժնևի մոտ գտնվող Շավան դը Բոժի քաղաք և հանգրվանեց նույնանուն հյուրանոցում:

Հունիսի 3-ին Հայաստանի ազգային հավաքականը ուղիղ չարտերային թռիչքով Ժնևից կմեկնի Գերմանիա` Ֆրանկֆուրտ, որտեղից կտեղափոխվի Մայնց: Այս մասին հաղորդում է Հայաստանի ֆուտբոլի ֆեդերացիայի պաշտոնական կայքը: