Եվրոպա լիգա. ԱԻԿ-«Շիրակ»` 2:0. գյումրեցիները հանդիպման վերջնամասն անցկացրեցին 8 հոգով

Եվրոպա լիգայի խաղարկության որակավորման 2-րդ փուլում Գյումրիի «Շիրակը»-ը արտագնա խաղում 2:0 հաշվով պարտվեց շվեդական ԱԻԿ-ին:

 Հանդիպումն անցավ անչափ լարված մթնոլորտում, մի քանի անգամ նաև ընդհարում տեղի ունեցավ ֆուտբոլիստների միջև, ինչի պատճառով մրցավարը ստիպված էր հաճախ դիմել քարտերի օգնությանը:  

25-րդ րոպեին տանտերերը ստացան 11 մետրանոց հարված, սակայն  Բանգուրայի հարվածից հետո Երմակովը հետ մղեց գնդակը: Այնուամենայնիվ 3 րոպե անց տանտերերը բացեցին հաշիվը: Գոլի հեղինակ դարձավ Գոյտոմը:

 69-րդ րոպեին Արման Հովհաննիսյանը կոպիտ խաղաց մրցակցի նկատմամբ, ստացավ 2-րդ դեղին քարտը և լքեց խաղադաշտը:   11 րոպե անց 2-րդ դեղինի արդյունքում խաղադաշտից հեռացվաց նաև Գոռ Մալաքյանը: 83-րդ րոպեին տանտերերը 2-րդ անգամ ստացան 11 մետրանց հարվածի իրավունք, որը հստակ իրացրեց Գոյտոմը` ձևակերպելով դուբլ: 85-րդ րոպեից «Շիրակ»-ի ֆուտբոլիստները ստիպված էին խաղը շարունակել 8  հոգով: Փոխարինման մտած Անդրանիկ Բարիկյանը հարվածելով մրցակցի ոտքին անմիջապես հեռացվեց խաղադաշտից: Հանդիպման վերջին րոպեներին Բիչախչյանի թիմը  խաղալով 8 հոգով կարողացավ   պահպանել 2:0 հաշիվը, և պատասխան խաղից առաջ պահպանում է հնարավորությունները հաջորդ փուլի ուղեգիր նվաճելու համար: