Թուրքահպատակներն ու հայերը կոչ են անում խաղաղության ժամանակաշրջան սկսել

Թուրքահպատակներն ու հայերը համատեղ նամակ են հղել, որում կոչ են անում սկսել խաղաղության ժամանակաշրջան: Նրանք, ովքեր ստորագրում են այդ նամակը, նույնպես միանում են կոչին:

Ստորև՝ թուրքակական Radikal-ի կողմից հրապարակված կոչը՝ զգալի կրճատումներով:

«Այս գործընթացը մեր՝ թուրքահպատակների և հայերի համատեղ երազանքն է, որը խաղաղության ժամանակաշրջանի սկիզբն է դնում՝ հարգելով երկու ազգերի և նրանց պատմությունը… »:

«Պատմության ընթացքում սփյուռքի հայությունն իր դժգհությունն է հայտնել` կեղծ պատմության դատապարտվելով: Հայերն իրենց արմատներին այցելելու, դրանց մասին իրենց երեխաներին պատմելու ցանկություն ունեն: Այսօրվա Թուրքիան սա չի արգելում: Բայց  պետության ներկայացուցիչների գոնե մեկ ճշմարիտ խոսքը նրանց ցավերը մեղմելու համար բավարար կարող է լինել: Այդ ժամանակ միայն, ինչպես Հրանտ Դինքն է ասում, «ջուրն իր ճեղքը կգտնի»:

Նրանք նամակում Արարատ լեռը ներկայացրել են որպես խաղաղության փարոս:

Նշենք, որ նամակը համացանցում հայտնվելուց հետո թուրքերը թեժ քննարկումներ են անում, թե ի՞նչ կարիք կա օգտագործել «թուրքահպատակ» բառը, և թե ի՞նչ տարբերություն կա թուրքի և թուրքահպատակի միջև:

«Եթե գրում են թուրքահպատակ, թող գրեն նաև հայահպատակ»,- ասել է օգտատերերից մեկը: