Յանուկովիչը հարգում է ուկրաինացիների ընտրությունը

Ուկրաինայի պաշտոնանկ նախագահ Վիկտոր Յանուկովիչը հայտարարել է, որ կհարգի նախագահական ընտրությունների արդյունքները, թեեւ  ընտրությունների օրինականության համար անհրաժեշտ է երկրի հարավ-արևելքի մասնակցությունը: Այդ մասին ասվում է նրա հայտարարության մեջ. հայտնում է BBC Russian-ը:

«Տեղի ունեցան Ուկրաինայի նախագահի արտահերթ ընտրություններ։ Անկախ այն հանգամանքից, թե որ շրջանում բնակչության քանի տոկոսն էր եկել ընտրության, ինչպիսի ընտրություն դուք կատարեցիք, ես հարգում եմ մեր հայրենիքի համար ամենադժվարին պահին արված ընտրությունը »,- ասված է հայտարարությունում:

Յանուկովիչի խոսքերով՝ նոր իշխանությունների գլխավոր խնդիրն այժմ երկրում իրավիճակը կայունացնելն է: