«Ռեալ»-ը՝ Չեմպիոնների լիգայի հաղթող

Ավարտվեց ՈւԵՖԱ-ի Չեմպիոնների լիգայի հերթական խաղարկությունը: 2014-ի Եվրոպայի ուժեղագույն ակումբի կոչումը նվաճեց Մադրիդի «Ռեալ»-ը: Արքայական թիմի ֆուտբոլիտները եզրափակիչ` «Ատլետիկո»-ի հետ խաղում 36-րդ րոպեին գնդակ ընդունեցին սեփական դարպասը: Դիեգո Գոդինը առաջ մղեց ատլետներին: Հանդիպման հիմնական ժամանակին ավելացված վերջին վայրկյաններին Սերխիո Ռամոսը գլխի հարվածով հավասարեցրեց հաշիվը և խաղը տեղափոխեց 30 րոպեանոց լրացուցիչ ժամանակ:

Լրացուցիչ ժամանակի 110-րդ րոպեին Բեյլը հաշիվը դարձրեց 2:1, որից 8 րոպե անց Մարսելոն մեծացրեց իր թիմի առավելությունը: 120-րդ րոպեին Ռոնալդուն 11 մետրոնոց հարվածով հաշիվը դարձրեց 4:1: «Ռեալ»-ը պատմության մեջ 10-րդ անգամ հռչակվեց Չեմպիոնների լիգայի հաղթող: