"Բավարիա"-ն՝ Չեմպիոնների լիգայի հաղթող

Ավարտվեց Չեմպիոնների լիգայի գերմանական եզրափակիչը: Լոնդոնի «Ուեմեբլի» մարզադաշտում Դորտմունդի «Բորուսիա»-ն հանդիպել էր Մյունխենի «Բավարիա»-ի հետ:

Հանդիպումն անցավ բավական լարված պայքարում: Առաջին խաղակեսին դորտմունդցիները բազում գոլային պահեր ունեին, սակայն գրավել բավարացիների դարպասը չհաջողվեց:

Ընդմիջումից հետո՝ հանդիպման 60' «Բավարիա»-ի հարձակվող Մարիո Մանջուկիչը բացեց խաղի հաշիվը:  68' մյունխենցիների դարպասին նշանակվեց 11 մետրանոց հարված, որն էլ անվրեպ իրացրեց Իլկայ Գյունդոգանը:

Հանդիպման ընթացքում բազում պահեր կորցրած Արյեն Ռոբենին վիճակված էր դառնալ խաղի հերոսը: Խաղի վերջնամասում Ռոբենը գրավեց Ռոման Վայդենֆեյլերի պաշտպանած դարպասը, ով հիանալի հանդիպում անցկացրեց:

«Բորուսիա» - «Բավարիա»՝ 1:2:

Չեմպիոնների լիգայի գավաթը հինգերորդ անգամ ուղևորվում է Մյունխեն: