Էրդողանը թուրք ցուցարարներին անվանել է «ահաբեկիչներ»

Թուրքիայի վարչապետ Ռեջեփ Թայիփ Էրդողանը պաշտպանել է ոստիկանության հատուկ ստորաբաժանումների գործողություններն այն բանից հետո, երբ երկու մարդ է զոհվել ցուցարարների և ոստիկանության բախման հետևանքով: Այս մասին հայտնում է BBC-ն:

Ցուցարարները բողոքում էին Սոմայի ածխահանքում 300 մարդու կյանք խլած պայթյունից և նետում պայթուցիկ խառնուրդով շշեր ու քարեր: Իր հերթին, ոստիկանությունն օդ էր կրակում մարտական փամփուշտներով, կիրառում արցունքաբեր գազ ու ջրաշիթ՝ փորձելով ցրել ցուցարարներին: Էրդողանի խոսքով՝ չպետք էր ակնկալել, որ ոստիկանությունը ոչինչ չի անելու «ահաբեկիչների» դեմ:

Զոհվածներից մեկի գլխին են կրակել: Երկրորդ զոհը մահացել է նռնակի պայթյունից ստացած վնասվածքներից: