Չեն կարողանում կիսել Հովիկ Աբրահամյանին ավելի մոտ լինելու «արտոնությունը»

«Չորրորդ իշխանությունը» գրում է. «Դեռ չի հասցրել չորանալ նոր կառավարության կազմի մասին հրամանի թանաքը, լուրջ թափ են հավաքել ներկառավարական ինտրիգները: Ըստ կառավարության աշխատակազմի մոտ կանգնած աղբյուրների, խանդի լուրջ տեսարաններ են նկատվում փոխվարչապետ Արմեն Գևորգյանի և նորաթուխ աշխատակազմի ղեկավար-նախարար Դավիթ Հարությունյանի փոխհարաբերություններում:

Նրանք չեն կարողանում կիսել Հովիկ Աբրահամյանին ավելի մոտ լինելու «արտոնությունը»: Երկար տարիներ կառավարությունում առաջին ջութակի կարգավիճակ ունեցող Արմեն Գևորգյանը բավականին խանդով է վերաբերվում իր գործերի մեջ «քիթը խոթող» Դավիթ Հարությունյանի գործունեությանը և որոշակի շրջանակներում արդեն իր դժգոհությունն է հայտնել այս առթիվ»։

Մանրամասները՝ թերթի այսօրվա համարում: