Զոհված ազատամարտիկների մայրերի մեծարման ցերեկույթ` Հրազդանում

Հրազդանի «Արամազդ» երիտասարդական կենտրոնը և Հայ օգնության միությունը մայիսյան եռատոնի կապակցությամբ կազմակերպել էին զոհված ազատամարտիկների մայրերի մեծարման ցերեկույթ, որի ընթացքում որդեկորույս մայրերը պարգևատրվեցին «Ծովակալ Իսակով» և «Վազգեն Սարգսյան» գերատեսչական մեդալներով:

Հերոսածին մայրերին ուղղված իրենց խոսքում կազմակերպիչները նշեցին, որ մեդալների հանձնումը անփարատելի ցավը մորմոքելու խնդիր չի լուծում, այլ սևազգեստ մայրերին հպարտության է կոչում: Նրանք վստահեցրեցին, որ նման միջոցառումները շարունակական են լինելու, նրանք ում ընդհատված կյանքի գնով այսօր ունենք Ազատագրված Արցախ, երբեք չեն մոռացվելու երիտասարդ սերնդի կողմից ու նրանց անմար հիշատակը նոր ծիլեր է տալու երիտասարդության շրջանում` դառնալով նոր հաղթանակների ու խիզախումների գրավական:

Միջոցառումը շարունակվեց նաև Հրազդանի ազատամարտիկների պանթեոնում:

Ցերեկույթի ընթացքում անդրադարձ եղավ նաև Հայրենական մեծ պատերազմին, ազատամարտիկները ներկայացրեցին Շուշիի ազատագրման և ՊԲ-ի ստեղծման ռազմավարական անխուսափելիությունը: