Ֆուտբոլի Հայաստանի առաջնություն. «Արարատ»-ը կրկին սայթաքեց

Ֆուտբոլի Հայաստանի բարձրագույն խմբի առաջնության 28-րդ տուրի վերջին խաղում առաջատար «Արարատ»-ը մրցեց «Փյունիկ»-ի հետ: Հանդիպման 15-րդ րոպեին Աղվան Պապիկյանը առաջ մղեց փյունիկցիներին: 30-րդ րոպեին «Արարատ»-ի վտանգավոր գրոհներից մեկը խախտելու պատճառով «Փյունիկ»-ը ստիպված էր հանդիպումը շարունակել 10 հոգով: Կարմիր քարտի արժանացավ Նարեկ Ասլանյանը:

2-րդ խաղակեսում հիմնականում գրոհում էին արարատցիները, սակայն նպաստավոր դիրքերից չէին կարողանում գրավել մրցակցի դարպասը: Այնուամենայնիվ, 86-րդ րոպեին 11 մետրանց տուգանային հարվածից հետո Ստամենկովիչը հավասարեցրեց հաշիվը: Հանդիպումն այդպես էլ ավարտվեց՝ ոչ-ոքի, և «Բանանց»-ը այս տուրում տոնած հաղթանակի շնորհիվ միավորների քանակով հավասարվեց «Արարատ»-ին: