Ֆուտբոլի Հայաստանի առաջնություն. «Միկա»-ն ներգրավվեց չեմպիոնական պայքարին

Ֆուտբոլի Հայաստանի Բարձրագույն խմբի առաջնության 23-րդ տուրում տեղի ունեցավ 2 հանդիպում:

Տուրի կենտրոնական մրցավեճում առաջատար «Արարատ»-ը հյուրընկալվեց «Միկա»-ին: 1-ին խաղակեսում Վարդգես Սաթումյանի 13՛ և Տիգրան Բարսեղյանի 16՛ խփած  գոլերի շնորհիվ Արամ Ոսկանյանի սաները հաղթանակ տոնեցին և միավորների տարբերությունը «Արարատ»-ի նկատմամբ հասցրեցին 3-ի:

Մյուս խաղում «Շիրակ»-ը Գյումրիում մրցեց «Ալաշկերտ»-ի հետ: Գյումրեցիները հաղթեցին խոշոր 4:1 հաշվով: Գոլերի հեղինակ դարձան Տիգրան Դավթյանը 3՛, Սերժ Դեբլեն 43՛, Դավիթ Հակոբյանը 52՛, Լամին Լի Յորոն 60՛ («Շիրակ»), և Նորայր Գյոզալյանը 47՛(«Ալաշկերտ»):

Այս հաղթանակից հետո Բիչախչյանի սաները վաստակեցին 38 միավոր և հավասարվեցին «Բանանց»-ին, սակայն վերջիններս մեկ խաղ պակաս են անցկացրել և վաղը կմրցեն «Ուլիս»-ի հետ: 

Վաղը  «Փյունիկ»-ը կմրցի  «Գանձասար»-ի, իսկ  «Ուլիս»-ը՝ «Բանանց»-ի հետ: