Ֆուտբոլի Հայաստանի առաջնություն: 21-րդ տուրի հետաքրքրաշարժ իրադարձությունները

Ֆուտբոլի Հայաստանի բարձրագույն խմբի առաջնության 21-րդ տուրից հետո մրցաշարային աղյուսակի առաջատար «Արարատ»-ը առավել ամրապնդեց իր դերքերը, ինչին նպաստեցին «Բանանց»-ի և «Շիրակ»-ի միավորների կորուստը համապատասխանաբար «Ալաշկերտ»-ի և «Միկա»-ի հետ խաղերում:

Հետաքրքիր է, որ Աբրահամ Խաշմանյանի սաները, այս տարվա անցկացրած 7 հանդիպումներից, հաղթել են ընդամենը 3-ում, սակայն շարունակում են վստահորեն գլխավորել մրցաշարային աղյուսակը:

3-րդ խաղաշրջանում հերթական անգամ հաղթողին չպարզեցին «Միկա»-ն և Գյումրիի «Շիրակ»-ը: Այս թիմերի նախորդ 2 դիմակայությունները նույնպես ավարտվել է ոչ-ոքի արդյունքով (2:2, 1:1) :

 «Ուլիս»-ը, որը 6 խաղ անընդմեջ ոչ միայն պարտություններ էր կրում, այլ նաև չէր կարողանում գրավել մրցակիցների դարպասը, այս տուրում 2 գնդակի առավելությամբ կապանում հաղթեց տեղի «Գանձասար»-ին:

«Ալաշկերտ»-ը, որը նույնպես միավորներ էր շռայլում իր մրցակիցներին, այս տուրում կարողացավ միավոր խլել այս տարվա ամենաարդյունավետ թիմից` «Բանանց»-ից: Ընդ որում, Գյուլբուդաբղյանցի սաները 2:0 հաշվով պարտվելուց հետո կարողացան 2 րոպեների ընթացքում վերականգնել հաշվի հավասարությունը: Սա «Ալաշկերտ»-ի առաջին ոչ-ոքին էր այս տարվա անցկացրած խաղերում: Մյուս խաղերում թիմը տոնել է 1 հաղթանակ, և կրել 5 պարտություն:

21-ական խաղերից հետո առաջնության ռմբարկուների ցուցակը խփած 12 գոլով գլխավորում է «Ալաշկերտ»-ի հարձակվող Միհրան Մանասյանը, որից 1 գոլ քիչ է խփել «Շիրակ»-ի Կոտ Դ՚ Իվուարցի հարձակվաղ Սերժ Դեբլեն: 2 ֆուտբոլիստներն էլ այս տուրում դարձան գոլի հեղինակ:

21-րդ տուրից հետո մրցաշարային աղյուսակը ստացավ այսպիսի տեսք.

Իսկ ռմբարկուների լավագույն հնգյակն այսպիսին է.

Հաջորդ` 22-րդ տուրում կմրցեն հետևյալ թիմերը`

Երվանդ ՀԱԿՈԲՅԱՆ