Ֆուտբոլի Հայաստանի առաջնություն. 23-րդ տուրից առաջ

Ապրիլի 26-ին և 27-ին կկայանա ֆուտբոլի Հայաստանի բարձրագույն խմբի առաջնության 23-րդ տուրը, որի շրջանակներում կմրցեն հետևյալ թիմերը`

«Շիրակ»- «Ալաշկերտ»

Գյումրիում «Շիրակ»-ը կմրցի վերջին շրջանում հաջող հանդես եկող «Ալաշկերտ»-ի հետ:  Թիմերի նախորդ դիմակայություններում առավեություն ունեն գյումրեցիները: Առաջին խաղաշրջանում թիմերը փոխանակել են մեկական գնդակ: 2-րդ խաղում գյումրեցիները հաղթել են խոշոր` 5:2, իսկ 3-րդ խաղաշրջանում՝ 2:1 հաշվով:

«Միկա»- «Արարատ»

Տուրի կենտրոնական խաղում «Միկա»-ն սեփական հարկի տակ կընդունի առաջատար «Արարատ»-ին, որին հաղթելու դեպքում միավորների տարբերությունը վերջիններիս նկատմամբ կհասցնի 3-ի: Ընթացիկ մրցաշրջանում թիմերը միմյանց միջև տեղի ունեցած հանդիպումներում ունեն հավասար արդյունք: Առաջին խաղում «Միկա»-ն հաղթել է նվազագույն հաշվով, երկրորդում նույն հաշվով հաղթել է «Արարատ»-ը, իսկ երորդ խաղաշրջանում թիմերը փոխանակել են մեկական գնդակ:

«Ուլիս»- «Բանանց»

«Բանանց»-ը կհյուրընկալվի «Ուլիս»-ին: Ընթացիկ մրցաշրջանում Ժոլտ Հոռնյակի սաները 1-ին և 3-րդ խաղաշրջաններում հաղթել են, համապատասխանաբար, 2:1 և 2:0 հաշիվներով, իսկ ահա 2-րդ խաղաշրջանում հաջողությունն ուղեկցել է ուլիսցիներին` նրանք հաղթել են նվազագույն հաշվով:

«Փյունիկ»- «Գանձասար»

Այս տուրում թիմերը կմրցեն Ավանի ֆուտբոլի ակադեմիայում:  Առաջին խաղաշրջանում կապանցիները սեփական հարկի տակ պարտվել են 3:2 հաշվով, իսկ 2-րդ և 3-րդ խաղաշրջաններում գրանցվել են, համապատասխանաբար, 2:2 և 0:0 հաշիվներ: