Ես ոչինչ չունեմ մեկնաբանելու, թող դա անեն ակումբի ղեկավարները. Աբրահամ Խաշմանյան

«Միկա»-«Արարատ» (2:0) խաղից հետո, «Արարատ»  ակումբի ղեկավարության պահանջով, թիմի գլխավոր մարզիչ Աբրահամ Խաշմանյանը հրաժարական տվեց: Yerkir.am-ի թղթակիցը փորձեց մանրամասները ճշտել հենց մարզչից:

-Ինչպե՞ս կմեկնաբանեք տեղի ունեցածը:

-Ես մեկնաբանելու ոչինչ չունեմ, պետք է մեկնաբանեն ակումբի ղեկավարները: 2 տարի ամեն ինչ իմ ուսերին է եղել: Ըստ Ձեզ` տրամաբանակա՞ն է նման որոշումը: Այնուամենայնիվ, ես չզարմացա այդ որոշումից: Սա ֆուտբոլ է, իսկ ես պատրաստ եմ ամեն ինչի:

Yerkir.am-ի թղթակցի այն հարցին, թե երբևէ ունեցե՞լ է տարաձայնություն ակումբի ղեկավարների հետ, պարոն Խաշմանյանը պատասխանեց.

-Ես նույնիսկ չեմ ճանաչում ակումբի ղեկավարներին: Նրանց հետ 2 տարվա ընթացքում հանդիպել եմ 2 անգամ և շփվել 30 րոպե, որի ընթացքում նույնիսկ չենք խոսել ֆուտբոլից:

Երվանդ ՀԱԿՈԲՅԱՆ