Հուսով եմ` կհաղթահարենք առաջին փուլի արգելքը․ Աբրահամ Խաշմանյան

Այսօր հայտնի դարձավ, որ Չեմպիոնների լիգայի որակավորման առաջին փուլում Հայաստանի գործող չեմպիոն` Երևանի «Ալաշկերտ»-ը մրցելու է Անդորրայի չեմպիոն «Սանտա Կոլոմա»-ի հետ։ Այս առիթով   Yerkir.am-ը զրուցեց երևանյան թիմի գլխավոր մարզիչ Աբրահամ Խաշմանյանի հետ։

«Ընդհանրապես, ծանոթ չեմ մրցակցին, բայց հուսով եմ, որ տեսագրություններ կլինեն և կկարողանանք ուսումնասիրել մրցակցի խաղը։  Կարծում եմ` այս դիմակայությունում մենք ֆավորիտ ենք, բայց մի բան է ֆավորիտ լինելը, մեկ այլ բան է դա խաղով ապացուցելը։ Վիճակահանությունը մեզ համար բարենպաստ էր։ Մենք արդեն դառը փորձ ունենք։ Նույն թիմը երկու տարի առաջ հաղթել է «Բանանց»-ին։ Հուսով եմ` կհաղթահարենք առաջին փուլի արգելքը»,- ասաց  մարզիչը։

Հիշեցնենք, որ 2014 թվականին «Սանտա Կոլոմա»-ն 2 խաղերի արդյունքում հաղթահարել էր «Բանանց»-ի արգելքը։