Ֆուտբոլ. 27-րդ տուրի հետաքրքրաշարժ իրադարձությունները

Ֆուտբոլի Հայաստանի բարձրագույն խմբի առաջնության 27-րդ տուրն անցավ դաշտի տերերի առավելությամբ, որոնք խփեցին 8 գնդակ` բաց թողնելով 1-ը:

Տուրի 4 խաղերից միայն մեկում արձանագրվեց գոլազուրկ արդյունք, այն էլ` առաջատար «Արարատ»-ի և «Ալաշկերտ»-ի միջև կայացած մրցավեճում: Ալաշկերտցիներն արդեն 3-րդ խաղն է` չեն պարտվում:

«Գանձասար»-ը վերջին 9 խաղերում հաղթանակ չէր տոնել, սակայն այս տուրում 2:0 հաշվով առավելության հասավ չեմպիոնության համար պայքարող թիմերից մեկի՝ «Բանանց»-ի նկատմամբ: Հետաքրքիր է, որ կապանցիները վերջին անգամ հաղթել էին հենց «Բանանց»-ին՝ նոյեմբերի 23-ին` 13-րդ տուրում:

«Միկա»-ն 4 անպատասխան գնդակ ուղարկեց հետնապահ «Ուլիս»-ի դարպասը և ընդհուպ մոտեցավ առաջատարներին: Ոսկանյանի սաները «Արարատ»-ից հետ են մնում` 6, իսկ «Բանանց»-ից` 1 միավորով:

«Գանձասար»-ը շարունակում է 2 միավորով հետ մնալ 5-րդ տեղում ընթացող «Փյունիկ»-ից:

Մրցաշարային աղյուսակի ամբողջական տեսքն այսպիսին է՝

«Փյունիկ»- «Շիրակ» խաղում Սարգիս Բալոյանը, դառնալով դուբլի հեղինակ, խփած 10 գոլով բարձրացավ 3-րդ հորիզոնական:

Ռմբարկուների հնգյակն այսպիսին է`

Հաջորդ՝ 23-րդ տուրում կհանդիպեն հետևյալ թիմերը`

23-րդ տուր.

Այս տուրից հետո մրցաշարային աղյուսակում լուրջ փոփոխություններ կարող են տեղի ունենալ: Մասնավորապես` առաջատար «Արարատ»-ը հյուրընկալվելու է «Միկա»-ին: Միկայականները հաղթելու դեպքում միավորների տարբերությունը առաջատարի նկատմամբ կհասցնեն 3-ի:

Կապանցիները հնարավորություն կունենան շրջանցել փյունիկցիներին:

 «Շիրակ»-ին լուրջ փորձություն է սպասվում: Չնայած մրցաշարային աղյուսակում զբաղեցրած հորիզոնականին, այնուամենայնիվ, ալաշկերտցիները վերջին շրջանում հաջող են հանդես գալիս, իսկ «Բանանց»-ը լավ հնարավորություն ունի հերթական 3 միավորը վաստակելու հետնապահի հետ խաղում:

Երվանդ ՀԱԿՈԲՅԱՆ