Շախմատի Եվրոպայի առաջնություն. 8-րդ տուրի արդյունքները

 Երևանում շարունակվում է Շախմատի Եվրոպայի անհատական առաջնությունը: Հերթական՝ 8-րդ տուրում մեր ուժեղագույն շախմատիստներից մեկը՝ Վլադիմիր Հակոբյանը, ոչ-ոքի ավարտեց խաղը թուրք Սոլակ Դրագանի հետ: Ոչ-ոքի խաղացին նաև Հրանտ Մելքումյանն ու Գաբրիել Սարգսյանը:
 

Արման Փաշիկյանը հաղթեց Ռոբերտ Աղասարյանին և այժմ 5,5 միավորով բաժանում է 15-34-րդ տեղերը:
 

Մրցաշարային աղյուսակը շարունակում է գլխավորել ռուս Ալեքսանդր Մոտիլյովը: Նա իր ակտիվում ունի 7 միավոր:  Հրանտ Մելքոմյանը վաստակած 6 միավորով 2-ից 14-րդ տեղերը բաժանող շախմատիստների թվում է և հաջորդ ՝ 9-րդ տուրում կմրցի Վլադիմիր Հակոբյանի հետ:

8-րդ տուրում գրանցված բոլոր արդյունքներին, ինչպես նաև մրցաշարային աղյուսակին կարող եք հետևել այստեղ: