Տուրի՞զմ, թե՞ հանքարդյունաբերություն

Ազգային մրցունակության հիմնադրամը երեկ հանրությանն է ներկայացրել Զբոսաշրջության հարավային միջանցքի ռազմավարական նախագիծը: Այն ընդգրկում է Արենի գինեգործական շրջանից մինչեւ Տաթեւ-Գորիս ընկած տարածքը եւ բաժանված է 5 կլաստերների, ներառյալ` Եղեգնաձորը, Սիսիանը, Գորիսը, Տաթեւը եւ Ջերմուկը:

Մինչեւ 2020 թվականը նշված բոլոր կլաստերներում կմեկնարկվեն ծրագրի իրականացման գործընթացները:

Ըստ «Էկոլուր»-ի, անդրադարձ կատարելով չինական Fortune Oil ընկերության կողմից Տաթեւի վանական համալիրի հարեւանությամբ գտնվող Սվարանցի երկաթահանքի շահագործման հարցին` Ազգային մրցունակության հիմնադրամի տնօրեն Բեկոր Փափազյանը նշել է, որ հիմնադրամի եւ ՄԱԿ-ի մասնագետների համատեղ խումբ է ստեղծվել, որը կուսումնասիրի, թե տնտեսական տեսանկյունից որքանով են համատեղելի եւ եկամտաբեր հանքարդյունաբերությունն ու տուրիզմը: