Փոխարժեքներ 22 11 2024
USD	⚊	$ 389.45
EUR	⚊	€ 409.74
RUB	⚊	₽ 3.86
GBP	⚊	£ 491.95
GEL	⚊	₾ 142.08

կարևոր

Ուկրաինան Կանադայից կստանա NASAMS հակաօդային պաշտպանության համակարգը
15 ժամ առաջ Աշխարհ
Բանաձևն ազդարարեց՝ պատանդառված մեր հայրենակիցների հարցով գործընթացի շարունակությունը․ Սիրանուշ Սահակյան
15 ժամ առաջ Քաղաքական
Միջազգային քրեական դատարանը Բենիամին Նեթանյահուին և Յոավ Գալանտին ձերբակալության օրդեր է տվել
16 ժամ առաջ Աշխարհ
Նոր որոշումով 50.000-ի փոխարեն՝ 40.000. Արցախի հարցը իշխանության համար փակված է. դիտարկում
17 ժամ առաջ Քաղաքական
Բելգիացի քաղաքական գործիչները և խորհրդարանականները, հընթացս COP 29-ի, հայտարարություն են ուղղել Ադրբեջանի և Բելգիայի կառավարություններին
17 ժամ առաջ Քաղաքական
Փաշինյանի կառավարությունը պետք է չքվի՛ մեր երկրից իր որոշումների հետ միասին. քաղաքացիների կարծիքը՝ հարկերի բարձրացման մասին
17 ժամ առաջ Հասարակություն
Փաշինյանը չի կարողանում լուծել ռեբուսը․ արդյոք ինքը մեղավո՞ր է, թե՞ պատասպանատու․ Վլադիմիր Մարտիրոսյան
18 ժամ առաջ Քաղաքական
Միասնական ընդունելության քննությունների արդյունքում ագրարային համալսարանում կրկին արձանագրվել են խայտառակ արդյունքեր
18 ժամ առաջ Հասարակություն
Բավարար չէ ասել, որ Նիկոլը «մերկ» է. պետք է հիմնավորել, որ նա «տգեղ» է․ Արմեն Աշոտյան
19 ժամ առաջ Քաղաքական
Լյուքսեմբուրգի Պատգամավորների պալատն Ադրբեջանից պահանջում է անհապաղ և առանց նախապայմանների ազատ արձակել անօրինական կերպով բանտարկված բոլոր անձանց
20 ժամ առաջ Իրավական

0 դիտում,

10 տարի առաջ - 2014-04-23 13:17

Տարածաշրջան

Արար աշխարհը զգաց, միայն թուրքը չզգաց մեծ մորս վիշտը. նամակ՝ Անիթա Թութիկյանից

Արվեստագետ Անիթա Թութիկյանը «Ակօս»-ի միջոցով նույնպես նամակ է հղել թուրք ժողովրդին:

Աշխարհում բոլորը զգացին այս կնոջ տառապանքը, միայն թուրքերը չզգացին, նրանք զբաղված էին` իրենց` նոր հափշտակած կալվածքներն ու հարստությունները հաշվելով:

Ի՞նչ երկխոսության մասին խոսք կարող է լինել շիրմաքարի վրա «բոզի զավակ» գրողի հետ:

Իմ ընտանիքի պատմությունը պարունակում է բռնաբարության բազմաթիվ ապրումներ, որոնց մասին ես՝ որպես չորրորդ սերունդ, դեռ ամոթով եմ կարողանում արտահայտվել:

Մեծ մորս մոր՝ Գոհարի հայրը, եղբայրները և հորեղբայրները արևի տակ՝ ցցերի վրա մահացան: Շատ հարուստ էին և ցցի հանվեցին, որպեսզի հայտնեն իրենց ոսկիների տեղը: Խոստովանեցին տեղը, բայց ազատ արձակվելու փոխարեն նրանց` ցցահան արված, ավելի տեսանելի վայր փոխադրեցին, որպեսզի բոլորը տեսնեն նրանց ցավատանջ ու դանդաղ մահը: Գոհարի քույրը Կարսի ճանապարհին ձյան մեջ մահացավ: Զարմուհիներն առևանգվեցին և բռնաբարվեցին, անոթի ու ծարավ մահացան: Գոհարի ամուսինը բարձունքից վայր նետվեց: Որդիներից մեկը, որ դեռ նոր էր ամուսնացել, սպանվեց, երբ ուտելու բան էր փնտրում: Կնոջն առևանգեցին: Ավելի վաղ Ամերիկա մեկնած մյուս որդու հետ կապը խզվեց: Խորթ հայրը քահանա էր, նրան նվաստացրեցին: Երբ մերժեց մատանին հանել, մատը կտրեցին: Հետո նա էլ մահացավ: Երեխաներին ամիսներ շարունակ խոտերով և մողեսներով սնեց քարայրի մեջ: Ձեռքերով աշխատեց՝ գերու նման: Նա կարողացավ հանդուրժել բազում տառապանքներ ու նվաստացումներ, բայց Թուրքիան չկարողացավ հանդուրժել նրան: 1930-ականներ սկզբին գնաց Հալեպ: Հալեպի ճանապարհին ստիպված եղավ իր ունեցածը հանձնել, մինչև իսկ` նորածին թոռան քրչի կտորը, իսկ թոռը ցրտից մահացավ:

Աշխարհում ամեն մարդ զգաց այս կանանց տառապանքը, միայն թուրքերը չզգացին, նրանք իրենց` նոր հափշտակած կալվածքներն ու հարստություններն էին հաշվում…

Թուրքիայի կառավարության հետ երկխոսության գաղափարը տհաճ տպավորություն է առաջացնում ինձ մոտ: Թուրքերը հավատում են, որ իրենք գոյացել են տղայի և գայլի միաձուլումից: Չեն անդրադառնում, որ զոհերի նկատմամբ նույնպես տղայի տրամաբանություն և գայլի ախորժակ ունեն: Սոված գայլի և նրա ուտելիքի միջև ի՞նչ երկխոսություն կարող է լինել: Եթե երկխոսության արդի ոճը 113 հայի շիրմաքարին թուրք «նկարչի» կողմից «բոզի զավակ» պատգամն է, ի՞նչ երկխոսության մասին է խոսքը: Թուրքերի մտայնությամբ այդ շիրմաքարը մեղավոր է։

Ե՛ս վիրավորված չեմ, բայց նրանք դեռ մի քանի դարի կարիք ունեն՝ չափահաս դառնալու համար։

Թարգմանությունը՝ Արազ Գայմագամյանի