«Հաղթանակ» դաշինքի ձերբակալված անդամներն ազատ են արձակվել. Լիա Սարգսյան

«Հաղթանակ» դաշինքի մի շարք անդամների և աջակիցների տներում իրականացված խուզարկություններից հետո ձերբակալված 10 անձինք ազատ են արձակվել։ Նրանց նկատմամբ որպես խափանման միջոց կիրառվել է ստորագրությունը՝ չհեռանալու մասին։ «Իշխանություն» լրատվականին այս մասին հայտնեց փաստաբան Ալեքսանդր Կոչուբաևը:

Հիշեցնենք, որ ավելի վաղ խուզարկություններ էին իրականացվել դաշինքի ավագանու անդամների տներում։ Իրավապահների կողմից մի շարք անձանց նկատմամբ իրականացվել են գաղտնալսումներ, արձանագրված կենցաղային բնույթի խոսակցությունները դարձել են մեղադրանքի հիմք: Դաշինքի ներկայացուցիչները պնդում են, որ այս խոսակցությունները որևէ կապ չեն ունեցել ընտրական գործընթացների հետ։

Փաստաբան Ալեքսանդր Կոչուբաևը «Իշխանություն» լրատվականին հայտնեց, որ քրեական վարույթն անիմաստ ու անբովանդակ է:

Հակակոռուպցիոն կոմիտեն ավելի վաղ հայտնել էր, որ քննվող քրեական վարույթի շրջանակում իրականացվել են ապացուցողական գործողություններ։

Նկատենք, որ «Հաղթանակ» դաշինքի անդամների և աջակիցների նկատմամբ «հետապնդումները» սկսվեցին Վաղարշապատի ընտրությունից անմիջապես հետո, հենց հաջորդ օրը: Սա ցույց է տալիս, որ իշխանություններն առնվազն մտահոգված են ընդդիմության թեկնածու Սևակ Խաչատրյանի բարձր ցուցանիշով և փորձ են անելու արատավորել նրան ու դաշինքի անդամներին՝ վերջիններիս վրա բարդելով ընտրակաշառք բաժանելու անհիմնա մեղադրանքը։

Լիա Սարգսյան