Այս մրցաշրջանն անհաջող էր «Բարսելոնա»-ի համար. Խերարդո Մարտինո

«Բարսելոնա»-ի գլխավոր մարզիչ Խերարդո Մարտինոն «Ռեալ»-ի հետ կայանալիք` Իսպանիայի գավաթի  եզրափակիչ խաղից առաջ խոսել է կատալոնական ակումբում իր ապագայի մասին:

Արգենտինացի մասնագետը նշել է, որ ամբողջովին կենտրոնացել է իր աշխատանքի վրա. «Ինձ չեն անհանգստացնում տարբեր խոսակցությունները, դա բնական է: Անկախ Մադրիդի «Ռեալ»-ի հետ կայանալիք խաղի արդյունքից` մրցաշրջանը դրական չեմ գնահատի իմ թիմի համար: Ես եմ ընտրում ինձ համար այն, ինչ ցանկանում եմ կարդալ: Կարող եմ ասել, որ շատ հաճախ եմ հանդիպում ապատեղեկատվությունների: Ես ցանկանում եմ առաջ գնալ` որպես պրոֆեսիոնալ, և չեմ ուզում քննարկել այդ հարցը»,- ասել է Մարտինոն: